Diabeti mund të kurohet me operim.

Një studim nga Italia ka treguar se mund të shërohemi përfundimisht nga diabeti i tipit të II me një nderhyrje kirurgjike .
Lajmi, është frut i një studimi dhe kërkimi dhe është një nga ata lajme që ju intereson të gjithë atyre që akoma sot nuk arrijnë të kontrollojnë sëmundjen nëpërmjet terapisë. Sepse shkaqe të shumta bëjnë që shpeshherë të mos jenë në gjëndje që të mbajnë në nivelet e duhura gliceminë: për këta të fundit, hapet rruga e nderhyrjes bariatrico në laparoscopi, edhe nëse nuk janë obezë.

Njoftimi vjen nga Milano ku profesor Nicola Scopinaro (Universiteti i Genova-s), i konsideruar si babai i kirurgjisë ndaj obezitetit në gjithë botën, ka prezantuar rezultatet e të parit studim kërkimi të realizuar prej tij për herë të parë në gjithë botën, ku jepen rezultatet e 20 pacientëve të tij, por që së shpejti do të provohet edhe në 20 spitale italiane ne mbi 600 pacientë.

Ndërhyrja e përdorur në këtë studim është ajo e “Diversione biliopancreatica” (BPD).

Në këtë studim, të realizuar në Spitalin San Martino të Genova -s, parashikohej rekrutimi i 20 pacientëve, të gjithë mbipeshë ose me një obezitet të lehtë. «Sot – është shprehur Scopinaro – asnjë prej tyre nuk bën përdorim ilaçesh, dhe nuk mban asnjë lloj diete për diabetikët, që nga dita që dalin nga spitali. Për 10 prej tyre, në kontrollin e parë, 1-2 muaj pas operimit glicemia ishte normale në 3 raste dhe poshtë nivelit të rrezikut në 4 raste të tjera; pas katër muajsh, në të gjitha raste që janë kontrolluar, kanë rezultuar nën nivelin e rrezikut».

80% e diabetikëve është mbipeshë ose obeze, dhe pikërisht, nisur nga observimi i rezultateve të kirurgjisë mbi obezët, Scopinaro – i emëruar Anëtar Nderi i American College of Surgeons (ACS) – ka arritur të japë udhëzimet për aplikimin e Diversione biliopancreaticà në terapinë ndaj diabetit.

Kjo nderhyrje, është përdorur dhe më parë, dhe është një nga operimet më të përdorura në kurë kundër obezitetit. Konsiston në krijimin e dy kanaleve gastrikë që dalin nga stomaku : në njërin kalon ushqimi, ndërsa tek tjetri vetëm sekrecioni biliopankreatik, që është i domosdoshëm për tretjen. Rezultatet e studimit tregojnë dhe për normalizim të niveleve të kolesterolit e triglicerideve në pothuajse në të gjitha raste dhe shërim nga hipertensioni në80% të rasteve.

Duke parë rezultatet e këtij studimi, do të bëhet një studim akoma më i madh (600 pacientë) duke provuar dy mënyrat: 300 sipas metodës së diversione biliopancreatik dhe pjesa tjetër do ti nënshtrohe një by-passi gastrik.

Këta 600 pacientë do të mbahen nën kontroll për një periudhë prej 10 vjetësh, për të parë dhe mbajtur nën kontroll dhe pasojat e mundëshme që mund të paraqiten.

Të etiketuara: diabeti, mbipesha, Studime të reja

Posted in: biologji, mjekesi